"மூச்சைக் கவனி, முழுவிழிப்புநிலையில் இரு!" புத்தர்

Monday, July 2, 2012

திரும்பிப் பார்க்கிறேன் - தமிழ்மணம்




தமிழ்மணம் நேயர்களுக்கு வணக்கம். நிகழ்காலத்தில் சிவா என சுயகுறிப்பில் பெயர் இடம் பெற்றிருந்தாலும் என் இயற்பெயர் சிவசுப்பிரமணியன். பிறந்தது வளர்ந்தது இருப்பது எல்லாமே திருப்பூர்தான்.:)

திருப்பூரில் பனியன் உற்பத்தி துறையில் சுயதொழில் செய்து கொண்டு இருக்கிறேன். உழைப்பால் உயர்ந்தவன் என்று என்னை நானே தட்டிகொடுத்துக்கொள்வது உண்டு. உடலுக்கு வயது நாற்பதை தாண்டிவிட்டது. சிறுவயது முதல் எல்லோருடனும் இணக்கமாக இருக்க வேண்டும் என்ற உணர்வு இருந்ததாலும், எதோ ஒரு வெறுமையை மனம் உணர்ந்ததாலும் ஆன்மீகத்தின் பக்கம் சாய்ந்தேன்.



ஆன்மீகத்தில் குறிப்பாக உருவவழிபாடு என்னை ஈர்க்கவில்லை. சித்தர்களின் நெறிகள் என்னை ஈர்த்தன, மனிதனை  உடலாக, உயிராக, மனமாக. ஆன்மாவாகப்  பார்த்து, சாதி, மதம் என நாமே உருவாக்கிகொண்ட எந்த சமுதாய கட்டுப்பாட்டுக்குள்ளும் சிக்காது அவர்கள் காட்டிய வழிகளால் மனம் நிறைவுடைந்தது. இருந்தபோதும் கற்றுக்கொள்ள எளிமையும்,கடினமும் கலந்த பாடல்களால் திகைத்து நின்றேன். அப்போது அதே வழியை வேதாத்திரி மகரிஷி எளிதாக்கி இன்றைய சூழலுக்கு ஏற்ப கொடுத்து வந்தார். அந்த வழிமுறைகளில் தீவிரமாய் என் வாழ்க்கை ஓடத்துவங்கியது. அஸ்திவாரம் பலமாய் அமைந்ததால் என் விருப்பப்படி வாழ்க்கை கட்டிடம் நிறைவாக அமைந்தது.

காலஓட்டத்தில் அதை அடிப்படையாய் வைத்துக்கொண்டு பொதுவாக, எந்தவித பாகுபாடும் இன்றி என் சிந்தனைகளை, எனக்குப் பிடித்தவர்களின் சிந்தனைகளை பகிர்ந்து கொள்ள ஒரு தளம் வேண்டுமென 'அறிவே தெய்வம்' என்ற பெயரில் வலைப்பூ ஏற்படுத்தி இயங்கி வந்தேன்.

பின்னர் ஆன்மீகத்தின் இறுதி அம்சம் என்பது நிகழ்காலத்தில் இருத்தல் என்கிற தன்மைதான், இதற்குள் அனைத்தும் அடங்கிவிடும் என்பதை புரிந்து கொண்டவுடன் வலைதளத்தின் பெயரை 'நிகழ்காலத்தில்...' என்று மாற்றி விட்டேன். இதுவும் நிகழ்காலத்தில் நான் இருக்கிறேன் என்பதை நோக்கிய எனது பயணத்திற்கு உறுதுணையாகத்தான். ஆக என் வலைதளம்  எனக்கும், தமிழில் ஆன்மீகத்தில் ஆர்வத்தோடு வருவோருக்கு ஏற்படும் ஐயங்களை அல்லது அவர்கள் கொண்டிருக்கும் எண்ணங்கள் சரியா தவறா என உறுதிப்படுத்திக் கொள்ளும் வகையிலும் சிறிதளவேனும் பயன்பட வேண்டும் இதன் பொருள் நான் எல்லாம் தெரிந்தவன் என்பதல்ல. தெரிந்ததை பகிர்ந்து கொண்டு எனக்குத் தெரியாததை இன்னும் கற்றுக்கொண்டுதான் இருக்கிறேன்.


இந்தவாரம் தமிழ் மணம் நட்சத்திரமாக உங்கள் முன்னால் வந்திருக்கிறேன்.. தினமும் ஒரு இடுகை வெளிவரும். உங்களின் பேராதரவை வேண்டி....


நிகழ்காலத்தில் சிவா

30 comments:

  1. தமிழ்மணத்தில் நட்சத்திரமாக இருக்கும் எங்கள் சூரியன் சிவா அவர்களுக்கு வாழ்த்துக்கள் :)

    ReplyDelete
    Replies
    1. @ ஸ்வாமி ஓம்கார்

      சூரியனை பிரபஞ்சம் வாழ்த்துகிறது. பொருத்தம்தான்..:))
      நடக்கட்டும் :))

      Delete
  2. நட்சத்திர வாழ்த்துகள் சிவா...!

    அருமையான கட்டுரைகள் நிறைந்த வாரமாக இருக்கும்.......தொடர்ந்து வருகிறேன்...!

    ReplyDelete
    Replies
    1. முடிந்தவரை எழுதுகிறேன் தேவா :))

      மகிழ்ச்சி :)

      Delete
  3. Replies
    1. நன்றியும் மகிழ்ச்சியும் சங்கர்.. அடுத்த யாத்திரை எங்கே?

      Delete
  4. thodarungal....
    thodarukiren....

    ReplyDelete
    Replies
    1. நக்கீரன்., வாங்க வாங்க தொடருவோம் :))

      Delete
  5. வாழ்த்துகள் அண்ணா.

    ReplyDelete
  6. வாழ்த்துகள் தலைவரே...

    ReplyDelete
    Replies
    1. மகிழ்ச்சி பாலாசி .. ஏற்கனவே நேரில் அறிமுகமானவர்களின் பின்னூட்டங்கள் தனி சுகம்தான்

      Delete
  7. நட்சத்திர வாழ்த்து(க்)கள் சிவா.

    தொடர்கின்றேன்.

    ReplyDelete
  8. அன்பின் சிவா - மிக்க மகிழ்ச்சி- துவக்கமே அருமை - தொடர்க கருத்தினை - தொடர்கிறோம் - நல்வாழ்த்துகள் - நட்புடன் சீனா

    ReplyDelete
  9. நட்சத்திர வாழ்த்துநட்சத்திர வாழ்த்துகள்...

    ReplyDelete
  10. தெளிவான அருமையான அறிமுகம்
    அருமையான வாரமாக இந்த நட்சதிரப் பதிவு வாரம் அமைய
    மனமார்ந்த வாழ்த்துக்கள்

    ReplyDelete
  11. நட்சத்திர வாழ்த்துகள்

    ReplyDelete
  12. நட்சத்திர வாழ்த்துக்கள் நண்பரே

    ReplyDelete
  13. ’இந்த வார நட்சத்திரம்’ என்னும் சிறப்புப் பெற்றதற்குத் தங்களைப் பாராட்டுகிறேன்.

    தங்களின் அத்தனை பதிவுகளும் பிறர் போற்றும் வகையில் சிறப்பாக அமைந்திட வாழ்த்துகிறேன்.

    ReplyDelete
  14. ஆரம்பம் முதல் ஆச்சரியப்பட்டுள்ளேன். உங்கள் எழுத்துக்கள் வலைபதிவு என்பதிலாகட்டும் அல்லது விமர்சனப் பாங்கு என்று எடுத்துக் கொண்டாலும் அடுத்தவரை நோக வைக்காமல் விருப்பு வெறுப்பின்றி நேர்கோட்டுடன் பயணித்துக் கொண்டு இருக்கீங்க. எங்கள் தேவியர் இல்லத்தின் மனப்பூர்வமான வாழ்த்துகள்.

    ReplyDelete
  15. நட்சத்திரத்தை இந்தச் சூரியன் வாழ்த்துகிறது :)

    ReplyDelete
  16. வாழ்த்துக்கள், மிக மகிழ்ச்சி. நல்ல வாய்ப்பு; முழுதும் பயன்படுத்தி கொள்ளுங்கள். முடிகிற நாட்களில் உங்களின் பழைய நல்ல பதிவை கூட இரண்டாவது பதிவாக மீள் பதிவு செய்யலாம். நிறைய பேரை போய் சேரும்

    ReplyDelete
  17. நட்சத்திர வாழ்த்துகள் சிவா, புரொபைல் புகைப்படத்தை மாற்றி இருக்கலாம்.

    ReplyDelete
  18. இன்றுதான் பார்த்தேன். வாழ்த்துக்கள் சிவா அண்ணா. கலக்குங்க.

    ReplyDelete
  19. வாழ்த்துகள்.
    வாசிக்க வேண்டும்.....

    ReplyDelete
  20. எங்கள் இனிய வாழ்த்துகள்.

    ReplyDelete

மனசுல தோணினத சொல்லிட்டு போங்க :)